Trump oo sheegay in Iiraan si rasmi ah looga adkaaday
Madaxweynaha Mareykanka Donald Trump ayaa ku sheegay bartiisa Truth Social in Iran si rasmi ah looga adkaaday, isagoo tilmaamay in Tehran ay waashay awooddii ciidan iyo dhaqaale ee ay hore u lahayd. Trump ayaa sheegay in Iran aysan haysan ciidan badeed, ciidan cirka ah, lacag qaran, mushaharka askarta iyo booliiska aysan bixin, sidoo kalena sicir-bararku uu gaaray 300 boqolkiiba.
Trump ayaa intaa ku daray in hoggaanka Iran uu ku jiro xaalad jahawareer ah, isla markaana madaxda dalkaasi aysan awood u lahayn inay si buuxda u matalaan Iran. Hadalkan ayaa kusoo beegmaya xilli xiisadda u dhaxaysa Washington iyo Tehran ay sii kordheyso, iyadoo labada dhinac ay is-weydaarsanayaan weeraro.
Taliska Dhexe ee Ciidamada Mareykanka ayaa sheegay inuu qaaday tallaabo xaddidan oo ka dhan ah ciidamo lagu eedeeyay inay miinooyin ku dhigeen Marinka Hormuz, halka Iran ay sheegtay inay weerartay saldhigyo milatari oo Mareykanku ku leeyahay Urdun. Ciidamada Urdun ayaa iyaguna sheegay inay ka hortageen siddeed gantaal oo la soo riday, taasoo muujineysa in xiisadda ay ka gudubtay xuduudaha labada dal.
Xigasho: Caasimada Online —
