Guddiga Doorashooyinka oo shaaciyay jadwalka cusub ee doorashooyinka Hirshabeelle
Guddiga Madaxa-banaan ee Doorashooyinka Qaranka iyo Soohdimaha ayaa soo saaray jadwal cusub oo doorashooyinka isku-sidkan ee Golaha Deegaanka iyo Golaha Wakiillada Hirshabeelle. Doorashadii hore loo qorsheeyay 20-ka Agoosto 2026 ayaa dib loo dhigay.
Jadwalku wuxuu bilaabanayaa 2-da Sebtembar 2026 oo la shaacin doono liiska hordhaca ah ee codbixiyayaasha. Diiwaangelinta iyo qaybinta kaararka codbixiyaha ayaa bilaaban doonta 16-ka Sebtembar. Liiska kama dambaysta ah ee codbixiyayaasha ayaa la faafin doonaa 19-ka Sebtembar.
Ololaha doorashada ayaa xirmi doona 28-ka Sebtembar, halka maalinta doorashada loo asteeyay 30-ka Sebtembar 2026. Guddigu wuxuu ku baaqay in ururrada siyaasadda iyo shacabka Hirshabeelle ay si buuxda uga qaybqaataan doorashadan.
Xigasho: Goobjoog —
