Soomaaliya oo cambaareysay weerar diyaaradeed oo lagu qaaday Makkah
Raadiyo 5 Newsroom
1 daq akhris
Dowladda Federaalka Soomaaliya ayaa cambaareysay isku day weerar diyaaradeed oo lagu qaaday magaalada barakeysan ee Makkah Al-Mukarramah ee Boqortooyada Sacuudiga. Wasaaradda Arrimaha Dibadda iyo Iskaashiga Caalamiga ah ayaa sheegtay in Ciidamada Difaaca Cirka ee Sacuudiga ay joojiyeen diyaarad aan duuliye lahayn oo loo adeegsanayay weerarka.
Wasaaradda ayaa sidoo kale cambaareysay weerarradii dhowaan lagu qaaday goobaha rayidka ah ee gudaha Sacuudiga. Soomaaliya waxay muujisay garab istaag buuxa oo ay la garab taagan tahay Boqortooyada, iyadoo xaqiijisay xaqa Sacuudiga ee ilaalinta dhulkeeda, dadkeeda iyo goobaha barakeysan ee Islaamka.
Xigasho: Goobjoog —
