NISA oo howlgal ka fulisay Shabeellaha Dhexe ku dishay laba horjooge iyo ilaaladooda
Muqdisho – Hay’adda Nabad-sugidda iyo Sirdoonka Qaranka (NISA) ayaa maanta howlgal qorsheysan ka fulisay deegaanada Guulane iyo Al-Furqaan ee gobolka Shabeellaha Dhexe. Howlgalka ayaa lagu dilay horjooge ka tirsan kooxda Khawaarijta iyo saddex ka mid ah ilaaladiisa, halka horjooge kale lagu dhaawacay.
NISA ayaa sheegtay in howlgalka uu dhacay xilli horjoogayaasha ay kasoo baxayeen kulan ka dhacay deegaanka Guulane. Ciidanka NISA oo kaashanaya saaxiibada caalamiga ayaa si wadajir ah u fuliyay howlgalkan. Afarta dhagar-qabe ee la dilay waxaa ka mid ahaa Cumar Siyaad Caraaye, oo ahaa horjooge u qaabilsanaa beel ka mid ah gobolka, iyo labo maleeshiyaad oo waday mootooyinka horjoogayaasha.
Sarkaalka la dhaawacay ayaa lagu magacaabaa Cabdi Maxamed Nuur, oo sidoo kale ka mid ahaa horjoogayaasha Khawaarijta ee qabaa’ilka. NISA waxay sheegtay in qaar ka mid ah bartilmaameedyada ay ka badbaadeen weerarka. Howlgalladan ayaa qeyb ka ah dadaallada NISA ee lagu burburinayo shabakadaha Khawaarijta iyo awoodooda abaabulka. Dowladda Soomaaliya ayaa muddooyinkii dambe kordhisay weerarada ka dhanka ah Al-Shabaab.
Xigasho: Caasimada Online —
