Muxuu danjire David Shinn ka yiri suurta-galnimada Mareykanku siiyo aqoonsi Somaliland
Washington – David Shinn, oo hore u ahaa safiirka Mareykanka ee Itoobiya, ayaa sheegay in rajada Somaliland ka qabto in Mareykanku aqoonsi siiyo ay sii yaraanayso. Wuxuu sheegay in markii hore uu filayay in Mareykanku raaci doono tallaabada Israel ee aqoonsiga Somaliland, balse hadda uu arko in fursaddaasi ay dhammaatay.
Madaxweyne Cabdiraxmaan Cirro ayaa bishii September Washington ku tagay olole uu ku raadinayo taageero aqoonsi, balse dowladda Mareykanka weli ma bedelin mowqifkeeda oo ku aaddan midnimada Soomaaliya. Warbixin rasmi ah oo Wasaaradda Arrimaha Dibadda Mareykanka u gudbisay Congress-ka ayaa xaqiijisay in Washington ay aqoonsan tahay madax-bannaanida iyo wadajirka dhuleed ee Soomaaliya.
Michael Woldemariam, oo ah bare jaamacadeed, ayaa sheegay in Mareykanku heli karo iskaashi amni iyo ganacsi oo Somaliland la leh isaga oo aan aqoonsi siin. David Shinn ayaa intaa ku daray in Berbera ay faa’iido yeelan karto in mararka qaar loo isticmaalo meel diyaarado ama maraakiib isticmaalaan, balse uusan arkin baahi loo qabo in halkaas laga dhiso saldhig militari oo buuxa.
Xigasho: Caasimada Online —
