Ciidamo ka tirsan Dowladda Federaalka oo lagu qabtay waqooyiga Gaalkacyo
Gaalkacyo – Taliyaha qeybta booliska gobolka Mudug ee Puntland, Gaashaanle Sare Maxamuud Muuse Bille, ayaa sheegay in ciidamo ka tirsan Dowladda Federaalka lagu qabtay waqooyiga magaalada Gaalkacyo, kadib markii ay kasoo gudbeen dhanka Galmudug. Ciidamadaas oo tiradoodu gaareyso ilaa 130 askari ayaa la doonayay in gudaha Puntland lagu soo geliyo si ay falal amni-darro ah uga geystaan.
Taliyaha ayaa sheegay in ciidamadan lagu waday laba gaari oo ay leeyihiin ciidamada Xoogga Dalka, isla markaana ay soo jiireen kastamka dhexe, balse lagu qabtay gudaha waqooyiga Gaalkacyo oo ay maamusho Puntland. Ciidamada waxaa waday saraakiil iyo macallimiin tababarayaal ah, oo uu ku jiro madaxa tababarka gobollada dhexe, Carab Maxamed Maxamuud.
Maxamuud Muuse Bille ayaa intaa ku daray in ciidamada la qabtay ay hadda ku jiraan baaritaanno dheeraad ah si loo xaqiijiyo xogta iyo ujeeddada ay u galeen gudaha Puntland. Ma jiro wax hadal ah oo kasoo baxay dowladda dhexe oo ku saabsan ciidamada la qabtay, halkaas oo muddooyinkan ay ka jireen dhaq-dhaqaaqyo ciidan oo iska soo horjeeda.
Xigasho: Caasimada Online —
Sii akhri
Khilaafka Uganda iyo Turkiga oo la xiriira joogitaanka ciidamada Uganda ee Soomaaliya11 saac ka horCiidamo ka tirsan Dowladda Federaalka oo lagu qabtay Gaalkacyo kadib markii ay soo galeen Puntland1 maalmood ka horNISA oo howlgal ka fulisay Shabeellaha Dhexe ku dishay laba horjooge iyo ilaaladooda1 maalmood ka hor