Ururka Iskaashiga Islaamka oo cambaareeyay weerarrada Xuutiyiinta ee Maka iyo Madiina
Xoghaynta Guud ee Ururka Iskaashiga Islaamka (OIC) ayaa cambaareysay weerarro ay sheegtay in kooxda Xuutiyiinta ay ku qaadeen magaalada Maka iyo gobolka Madiina. OIC waxay tilmaantay in weerarradaasi ay cabsi ku abuureen shacabka rayidka ah, isla markaana ay xadgudub ku yihiin xurmada goobaha barakeysan iyo masaajidda.
Ururka ayaa ku tilmaamay falalka Xuutiyiinta inay yihiin argagixiso ka hor imanaya qiyamka Islaamka iyo shuruucda caalamiga ah. OIC waxay ku baaqday in la joojiyo waxyeellada goobaha barakeysan oo aan la aqbali karin.
Sidoo kale, OIC waxay sheegtay inay garab taagan tahay Boqortooyada Sacuudi Carabiya, ayna taageersan tahay tallaabooyinka Riyadh ku ilaalinayso amniga iyo xurmada goobaha barakeysan. Ururku wuxuu ku adkeystay in la difaaco nolosha Muslimiinta iyo madaxbannaanida dalka.
Xigasho: Goobjoog —
