Kheyre oo eedeyn u jeediyay Xasan Sheekh kadib qarax ka dhacay Doolow
Ra’iisul Wasaarihii hore ee Soomaaliya, Xasan Cali Kheyre, ayaa cambaareeyay duqeyn diyaaradeed oo lagu qaaday hoyga taliyihii hore ee ciidanka asluubta, Jeneraal Mahad Cabdiraxmaan Aadan, oo ku yaalla magaalada Doolow ee gobolka Gedo. Kheyre ayaa mas’uuliyadda qaraxa dusha uga saaray Madaxweyne Xasan Sheekh Maxamuud.
Kheyre ayaa sheegay in weerarkan uu yahay mid aan laga aqbali karin siyaasadda iyo dowladnimada Soomaaliya. Wuxuu ku tilmaamay in taliska madaxweynaha waqtigiisu dhammaaday uu hub iyo diyaarado ku adeegsanayo la-dagaallanka argagixisada, isagoo ku baaqay in khilaafaadka siyaasadeed lagu xalliyo wada-hadal iyo is-afgarad.
Ra’iisul Wasaaraha hore ayaa intaa ku daray in Soomaaliya aysan u baahnayn dagaallo siyaasadeed oo keenaya kala fogaansho bulsho iyo xasilooni-darro amni. Wuxuu ku adkeystay in doorasho xor iyo xalaal ah oo heshiis lagu yahay ay tahay waddada kaliya ee dalka looga gudbi karo xaaladda siyaasadeed.
Sii akhri
Qaramada Midoobay oo shaacisay in ilaa 2,000 askari oo Colombian ah la geeyay Suudaan1 maalmood ka hor
Iran ayaa ku tilmaantay weerarrada Mareykanka ee Suuriya inay yihiin dembi dagaal kadib duqeyn habeenkii Talaadada oo lagu bartilmaameedsaday xarumo iyo saldhigyo ciidamada Ilaalada Kacaanka. Mareykanka ayaa beeniyay inuu wax weerar ah ku qaaday dad rayid ah, isagoo sheegay in duqeymuhu ay ahaayeen kuwo lagu beegsanayo xarumaha milatariga.1 maalmood ka hor
Iran oo Mareykanka ku tilmaantay weerar dagaal1 maalmood ka hor
