Maraykanka oo ka qaaday cunaqabateyntii saarnayd Ciidamada Eritrea
Dowladda Mareykanka ayaa ka qaaday cunaqabateyntii lagu soo rogay Ciidamada Difaaca Eritrea iyo hay’ado kale oo Eritrean ah. Wasaaradda Maaliyadda Mareykanka ayaa 18-kii Sebtembar 2026 ku dhawaaqday in hay’adihii Eritrea ee lagu bartilmaameedsaday cunaqabateynta la xiriirtay dagaalkii Tigray laga saaray nidaamka cunaqabateynta Mareykanka.
Cunaqabateyntaas ayaa markii hore la soo rogay 2021-kii xilligii madaxweynihii hore ee Mareykanka Joe Biden, iyadoo ciidamada Eritrea lagu eedeeyay inay ku lug lahaayeen falal ay ka mid yihiin dilka dad rayid ah, boob, tacaddiyo galmo iyo xannibaadda gargaarka bani’aadamnimo intii lagu jiray dagaalkii Tigray ee waqooyiga Itoobiya. Go’aankan cusub ayaa imanaya xilli Badda Cas ay noqotay meel muhiim ah oo dhinaca amniga iyo ganacsiga caalamiga ah ah.
Falanqeeyayaasha ayaa tilmaamaya in tallaabadan ay suuragal ka dhigi karto in Mareykanka iyo Eritrea ay yeeshaan xiriir istiraatiiji ah oo dhow, iyadoo Washington ay sii kordhinayso danaha ay ka leedahay amniga Badda Cas, halkaas oo Eritrea ay leedahay xeeb dheer oo muhiim ah.
Xigasho: Goobjoog —
